Экскурсія выхаванцаў дзіцячага сада ў бібліятэку — гэта адукацыйнае мерапрыемства, накіраванае на знаёмства дзяцей са светам казак, з гэтай мэтай дзеці наведалі сельскую бібліятэку.
Бібліятэкар, Антановіч Р.А., правяла экскурсію па зале, расказала пра тэматыку выстаў, абмеркавала сумесна з дзецьмі правілы карыстання з кнігай.
Навучэнцы з цікавасцю разглядвалі кніжкі з казкамі, адгадвалі загадкі пра казачных герояў, знаёміліся з дзіцячымі часопісамі і кнігамі.
У выніку, усе атрымалі шмат станоўчых эмоцый, даведаліся новага аб кнігах, дзіцячых казках і выказалі жаданне ў будучым стаць чытачамі бібліятэкі.